لەگەڵ دامەزراندنی دەزگاکە، پڕۆژە و دەستپێشخەرییەکان فراوان بوون، بەشداریان کردووە لە گەشەپێدانی کۆمەڵگا لە بوارەکانی گەشەپێدانی ئابووری، بەهێزکردنی لاوان، پاراستنی ژینگە، کاری خێرخوازی و دروستکردنی هەلی کار، لە نێو چەندین بواری جیاواز.
لە بواری پاراستنی ژینگەدا، ادریس نێچیرڤان بارزانی بەتایبەتی پابەند بووە بە پڕۆژە و دەستپێشخەرییەکانی کە ئامانج تیایدا پاراستنی ژینگە و سروشتی هەرێمی کوردستان و کەمکردنەوەی کاریگەرییە نەرێنییەکانی گۆڕانی کەش و هەوایە. وەکو: زیادکردنی رووبەری سەوزایی و بەردەوام چاندنی درەخت ،هەوڵەکان بۆ کەمکردنەوەی بەکارهێنانی ئاو، و بەرزکردنەوەی هۆشیاری کۆمەڵگا سەبارەت بە گرنگی پاراستنی ژینگە. رێزدار ادریس نێچیرڤان بارزانی باوەڕی وایە کە کولتوور نەک تەنها رەگی نەتەوەیە، بەڵکو ئامرازێکی بەهێزیشە بۆ یەکگرتنی کۆمەڵگا و دروستکردنی هەستی نەتەوەیی و کۆدەنگی. بۆیە، هەمیشە پشتگیری پڕۆژە کولتوورییەکانی کردووە و بەردەوام هەوڵی داوە کولتوور و ناسنامەی کوردی لە بەرنامە سەرەکییەکانی دەزگای روانگە دا بگونجێنێت.
گرنگی پەروەردە وەک ئامرازێکی سەرەکی بۆ دروستکردنی داهاتوویەکی باشتر پێشینەی ئەو بووە. باوەڕی وایە کە پەروەردە نەک تەنها رێگایەکە بۆ پێشکەوتنی تاکەکان، بەڵکو بنچینەیەکی گرنگیشە بۆ بنیاتنانی کۆمەڵگایەکی تەندروست و پێشکەوتوو. بۆیە، لەڕێگەی دەزگای روانگە هەوڵی داوە ئاستی پەروەردە باشتر بکات، بەتایبەتی لە ناوچە کەم دەرفەت و دوورەدەستەکان.
