دەزگای روانگە براوەکانی خەڵاتەکانی روانگە بۆ ساڵی ٢٠١٩ رادەگەیەنێت

بۆ شەشەمین ساڵ لاوانی بەشداربووی خەڵاتەکانی روانگە لە رێوڕەسمێکی شکۆداردا لەشاری هەولێر بەپلەی یەکەم و دووەم و سێیەم خەڵاتکران.

بەرواری٢٨٦ی تشرینی یەکەمی ٢٠١٩، دەزگای روانگە لە کۆتایی هاتنی پڕۆژەی خەڵاتەکانی روانگە بۆ ساڵی ٢٠١٩، لە رێوڕەسمێکی تایبەتدا، بە ئامادەبوونی رێژەیەکی زۆری ئامادەبووان و دەزگا راگەیاندنەکان، لاوانی براوەی ١٠ بەشی پێشبڕکێیەکە بە پلەی یەکەم و دووەم و سێیەم خەڵات کرد و توانا شاراوەکانیان بە رووی خۆیان و کۆمەڵگەدا پیشان درا. هەر لە رێوڕەسمەکەدا چەندین نمایشی سەرنج راکیش پێشکەشکران.

دەزگای روانگە بەمەبەستی برەودان به توانای لاوان و دۆزینەوەی بەهرە شاراوەکانیان و شکۆفەکردنی هەستی متمانە بەخۆکردن و وەگەڕخستنی کارامەییە هونەریی و ئەدەبیی و زانستییەکانیان، لە بەرواری ٢٨-٧-٢٠١٩ تاکو ١٥-١٠-٢٠١٩ بەرهەمی جۆراوجۆری هونەریی و ئەدەبیی و زانستیی ئەو لاوانەی دانیشتووی کوردستانن بەبێ جیاوازی رەگەز و نەتەوە و ئاین وەرگرت، کەوا تەمەنیان لەنێوان ١٥- ٢٥ ساڵانە، لەم بوارانەی کە دەستنیشان کرابوون هەر وەک: فۆتۆگرافیی، پڕۆگرامسازی، هۆنراوە، وێنەکێشان، کورتە فیلم، تاکژەنی میوزیک، کورتە چیرۆک، هونەری ریسایکلین، داهێنانی زانستیی و دەستپێشخەری کار. هەر لاوێکیش مەبەستی بووایە بە بەرهەمێکی داهێنراوی خۆی بەشداری ئەو پێشبڕکێیە بکات، دەیتوانی دوای خوێندنەوەی مەرج و رێنماییەکانی تایبەت بە هەربەشێک لەم بوارانەی سەرەوە، بابەتەکەی بنێرێت بۆئەوەی لە رێگەی لیژنەی پسپۆڕەوە هەڵسەنگاندنی بۆ بکرێت و دواتریش لە ئاهەنگێکی شایستەدا ببێتە خاوەنی پلەی یەکەم، دووەم و سێیەمی خەڵاتەکانی روانگە بۆ ساڵی ٢٠١٩.

ئامانجی ئه‌م پرۆژه‌یه‌ دۆزینه‌وه‌ی به‌هره‌ی لاوانی دانیشتووی‌‌ كوردستانە و هاندان و پشتگیری كردنیانه‌ له‌ په‌ره‌پێدانی زیاتری توانا و پڕۆژه‌كانیان. خه‌ڵاته‌كانی روانگه‌ به‌ فه‌رمی له‌ ٢٠١٤ ده‌ستیپێكرد، له‌ چوار ساڵی رابردوودا ئاهه‌نگی خه‌ڵاته‌كانی روانگه‌ له‌ چه‌ند شارێكی جیا سازكرا، ٢٠١٤ له‌ هه‌ولێر و ٢٠١٥ له‌ سلێمانی و ٢٠١٦ له‌ دهۆك و  و ٢٠١٧ و ٢٠١٨ لە هەولێر. له‌م ساڵیشدارێوڕەسمی کۆتایی خه‌ڵاته‌كانی روانگه‌ ٢٠١٩ له‌ پارێزگای هه‌ولێر له‌ (هۆڵی كۆنفرانسی سه‌عد عه‌بدوڵا) سازکرا. ژمارەی بەرهەمەکان لە کۆتایی بەرواری پێشکەشکردن بریتی بوون لە ٤٦٢ بەرهەم کە لە لایەن (٢٩٤ کوڕ و ١٦٨ کچ) پێشکەشکرابوو.

هاوکات، لێژنەی هەڵسەنگاندنی بەرهەمەکانی خەڵاتەکانی روانگە ٢٠١٩ بریتیبوون لە ٢٠ دادوەر: (ئیسماعیل هاجانی - نووسەر و ڕۆماننووس ، ئارام سدیق - نووسەر و ڕەخنەگر ) لە بەشی کورتە چیرۆك. (حەسەن موراد – هونەرمەند ، هودا ئەحمەد – هونەرمەند ) لە بەشی وێنەکێشان. (سەفین حەمید – فۆتۆگرافەر ، سۆران نەقشبەندی – فۆتۆگرافەر )  لە بەشی فۆتۆگرافی.  (هونەر سەلیم – دەرهێنەری فیلم، هەوراز محمد – دەرهێنەری فیلم) لە بەشی کورتە فیلم. (موفق جلیل –  مامۆستای زانکۆ، شڤان عسکر– مامۆستای زانکۆ) لە بەشی داهێنانی زانستی. (تەلان عەونی – بەڕێوەبەری گشتی ئەربیل مانپاوەر ، ئەستارا مایور– بەڕێوەبەری بەرەوپێشبرنی بزنس لە  Five 1 Lab) لە بەشی داهێنانی زانستیی. (ساڵح نەجیب – مامۆستای زانکۆ ، یونس ئەحمەد – مامۆستای زانکۆ) لە بەشی هونەری ریسایکلین. (چەتۆ نەورۆز– میوزیکژەن ، محمد زکی – میوزیکژەن ) لە بەشی تاکژەنی میوزیك. (شەماڵ ئاکرەیی– شاعیر و نووسەر ، پێشڕەو عەبدوڵا– نووسەر و ڕەخنەگر) لە بەشی هۆنراوە. (هەژار برنجی– بەڕێوەبەری تەکنیکی تۆڕی میدیایی رووداو، ئامانج علی– هاودامەزرێنەری کۆمپانیای ئاڤێستا) لە بەشی پرۆگرامسازی.

خه‌ڵاته‌كانی روانگه‌ هه‌لێكی نایابه‌ بۆ لاوان له‌ كوردستان. ده‌زگای روانگه‌ به‌ هاوكاری و پاڵپشتی سپۆنسه‌ره‌ ناسراو و جیاوازه‌كانی شانازی به‌وه‌ ده‌كات كه‌ ساڵانە سه‌كۆیه‌ك بۆ لاوان ده‌سته‌به‌ر بكات تاوه‌كو تواناكانیان بدۆزێته‌وه‌ و له‌ شه‌وئاهه‌نگێكدا بیانخاته‌ڕوو. شەشەمین ساڵی خەڵاتەکانی روانگە بە پشیگیری و هاوکاری ٣٠ سپۆنسەر ئەنجامدرا. سپۆنسەرەکان بریتیبوون لە سپۆنسەری ئەڵماس(KOREK TELECOM, KAR GROUP, KHOSHNAW GROUP) ، سپۆنسەری زێرین (FASTLINK, AD MEDIA, DARIN GROUP, ERBIL INTERNATIONAL HOTEL, PHONEIX STUDIO, PEPSI, MELLAT HOLDING, MRF GROUP, HEMN GROUP)، سپۆنسەری زیوی (SCHNEIDER ELECTRIC, HELLA AGENCY, CLICK IRAQ, GEG REKLAM)  ، هاوبەشی میدیایی  (RUDAW TV, K24) ، سپۆنسەری میدیایی   (AVA TV, WAAR TV, KURDISTAN TV, NET TV, KURDMAX, FALCON EYE, FALCON FAMILY, ACE CHANNEL, M RADIO, BABYLON FM, MIX FM, AND DUHOK TV).

                                                                                               براوەکانی خەڵاتەکانی روانگە بۆ ساڵی ٢٠١٩