دوابەدوای زیانبەرکەوتنی سەدان خێزان لە پارێزگای هەولێر بەهۆی لافاوەوە، رێزدار نێچیرڤان بارزانی، سەرۆکی هەرێمی کوردستان لەرێگەی دەزگای روانگە هاوکاری زیانبەرکەوتوان دەکات.
هاوکارییەکان لەلایەن سەرۆکی هەرێمی کوردستان دابینکراوە و لەرێگەی دەزگای روانگە دابەشدەکرێت، هەروەها بە هەماهەنگی لەگەڵ پارێزگای هەولێر و دەزگای خێرخوازی بارزانی دەبێت.
هاوکارییەکە بریتییە لە تەرخانکردنی بڕی ١ ملیار دیناری عیراقی. ئەو بڕە پارەیە تایبەت دەکرێت بۆ سێ پێداویستی.
یەکەم: تەرخانکردنی بۆ کەلوپەل و پێداویستییەکانی ناوماڵ
دووەم: دابیبکردنی ٣ ژەمی خواردن بۆ گشت ئەوخێزانە زیان بەرکەوتوانە. سەرەڕای هاوکاریکردنی خێرا لە پاککردنەوە و رێکخستنەوەی خانوو و باڵەخانە و شەقامە زیانبەرکەوتووەکان کە بەهۆی لافاوەوە زیانیان بەرکەوتووە.
هاوکارییەکان لە بەرەبەیانی ١٨ی ١٢ی ٢٠٢١ دەستپێدەکات و تا کاتی جێگیربونەوەی خانەوادەکان بەردەوام دەبن.
شایەنی باسە شەپۆلێکی بارانبارین هەرێمی کوردستانی گرتووەتەوە و، لە چەند ناوچەیەکی پارێزگای هەولێر بارانی بەخوڕ باری و لافاوی لێکەوتەوە. بەپێی ئاماری بەرگریی شارستانیی هەولێر، بەهۆی لافاوەکەوە زیاتر بە سەدان خێزان زیانیان بەرکەوتووە و چەندکەسێکیش گیانیان لەدەستداوە.