بەرواری ٣١ی تشرینی یەکەمی ٢٠١٨ دەزگای روانگە، ئاهەنگێکی خنجیلانەی سازکرد بۆ منداڵانی خانەی نەوجەوانانی هەولێر تاوەکو لە رێگەی ئاهانگی هاڵۆوین کەشێکی خۆشیان بۆ دروستبکات.
ئاهەنگەکە بەبۆنەی هاڵۆوینەوەبوو و لە خانەی نەوجەوانانی هەولێر ئەنجامدرا تاوەکو منداڵانی خانەکە کاتێکی خۆش بەسەربەرن. جیا لە رازاندنەوەی شوێنەکە بە دیکۆری هاڵۆوین، تیمی دەزگای روانگە ماسک و جلوبەرگی هاڵۆوینیان بۆ مانداڵان هێنا تاوەکو کەشەکە خۆشتر بکەن بۆیان.
لە ئاهەنگەکەدا، ٤١ منداڵی خانەکە، مامۆستا و سەرپەریشتانی خەنەکە و تیمی دەزگای روانگە بەشداربوون. هەروەها لە رێگەی چەندین یاری و میوزیک ئاهەنگەکە خۆشترکرا بۆ منداڵان. هەروەها چەندین خۆبەخش بەشداربوون و دەم و چاوی منداڵانیان رەنگکرد.
هاڵۆوین ئاهەنگێکی ساڵانەیەوە و گشت ساڵێک لە ٣١ی تشرینی یەکەم ئەنجامدەدرێت و تێیدا جلی جۆراو جۆر دەپۆشرێت و لەسەرانسەری جیهاندا ئاهەنگ دەگێڕدرێت. منداڵان بەشی سەرەکی ئاهانگەکەن و تامەزرۆی بەشداریکردنن.
