ئهمڕۆ ٢٢ی حوزەیرانی2014 رێوڕەسمی بهكۆتاهاتنی پڕۆژهی کیدزۆن بهڕێوهچوو كه لهلایهن دهزگای روانگه بههاوكاریی مانگی سووری ئیماراتی بۆ ئاوارەکانی خۆرئاوای کوردستان لە کەمپی قوشتەپە ئهنجامدرابوو، لهههمان كاتیشدا رادەستی وەزارەتی رۆشنبیری و لاوانی حکومەتی هەرێمی کوردستان کرا. له رێوڕهرهسمهكهدا ههریهكه له فەرهەنگ غەفور، بەڕێوەبەری گشتیی رۆشنبیری و هونەری -ههولێر- سهربه وهزارهتی رۆشنبیری و لاوان و شێخ راشد المنسوری، كونسلی گشتیی ئیمارات لە کوردستان و دیندار زێباری، جێگری بەڕێوەبەری گشتیی فەرمانگەی پەیوەندییەکانی دەرهوەی حكوومهتی هەرێم بۆ کاروباری نەتەوە یەکگرتوەکان و عەلی عەودی، بەڕێوەبەری گشتیی پەرورەردەی دەوروبەر و کامەران حەسەن، بەڕێوەبەری شارهدێی قووشتەپە و چەندین کەسایەتی حکوومی و رێکخراوی ناحکوومی و نێودەوڵەتی ئامادهبوون. فەرهەنگ غەفور كه وەک نوێنەری وەزارەتی رۆشنبیری و لاوان ئامادهی رێوڕهسمهكه ببوو، لە وتارێکیدا پڕۆژەی کیدزۆنی بە چالاکی و بەرهەمێکی ناوازە وەسفکرد و سوپاسی دەزگای روانگەی کرد کە هەمیشە لە غەمی چین و توێژە جیا جیاکانی کۆمەڵگەدایە و لە هەموو بوارەكانی زانستی و رۆشنبیری و وەرزشی و مرۆییدا کارو چالاکی ئەنجام دەدات. کیدزۆن پڕۆژەیەکی زانستی و رۆشنبیری و هونەری و وەرزشییە کە دەزگای روانگە بەهاوكاریی رێکخراوی مانگی سووری ئیماراتی بە ئەنجامی گەیاند ، لە بەرواری ٢٠ی نیسانی ٢٠١٤ بەردی بناغەی داندرا و لە ٢٠ی حوزهیرانی ٢٠١٤ بە کۆتاهاتوو رادەستی حکومەتی هەرێمی کوردستان کرا.
