بەرواری ١٨ی ئابی ٢٠١٩ دەزگای روانگە لە چوارچێوەی پڕۆژەی روانگە فرص ڕاهێنانێکی تایبەتی سەبارەت بە بازاڕگێڕی بۆ کارمەندانی چەند کۆمپانیایەك ئەنجامدا لە شارەکانی هەولێر و سلێمانی.
راهێنانەکە بۆ ماوەی ٦ کاتژمێر بەردەوامبوو و تێیدا ١٨ کارمەند لە کۆمپانیای جۆراوجۆر بەشداریان تێداکرد لە هەر یەک لە شارەکانی هەولێر و سلێمانی.هەروەها ئامانجی سەرەکی ڕاهێنانەکان بریتیبوو لە بەهێز کردنی بازاڕی کار و پەرەپێدان بە تواناکانی کارمەندان و هۆشیارکرنەوەیان لە بواری کارەکانیاندا.
یەکێک لە بەشداربووانی راهێنانەکە باسی لە گرنگی بابەتی راهێنانەکە کرد کە بازاڕگێڕی بوو و گوتی '' ڕاهێنانەکە پڕ زانیاری بە سوود بوو و بابەتەکان بە گشتی نوێ بوون بۆ من.''.
لە راهێنەنەکەدا چەندین چالاکی و گفتوگۆ ئەنجامدرا لە لایەن بەشداربوان بە ئامانجی ئاڵوگۆڕکردنی زانیاری و بیرۆڕا و هەروەها زیاتر تێگەیشتن لە بابەتەکان.
ڕاهێنانەکە بەشێکە لە پرۆژەی روانگە فرص کە پردێکی پەیوەندییە لە نێوان کارخواز و خاوەنکار. هەروەها لە رێگەی راهێنانی ئۆنلاین و ئۆفلاین خزمەتگوزاری جۆراوجۆر پێشکەش بە کارخواز و کۆمپانیاکان دەکات.
