دەزگای روانگە : تەواوبوونی پڕۆژەی چاندنی ٢٠،٠٠٠ داری زەیتون

ئەمڕۆ ٢٠٢٥/٥/٢٥ بە ئامادەبوونی سەرۆک و دامەزرێنەری دەزگای روانگە بەڕیز ( ادریس نێچیرڤان بارزانی ) و بەڕيز (فەوزی هەریری) سەرۆکی دیوانی سەرۆکایەتی هەرێمی کوردستان و بەڕێز (بێگەرد تاڵەبانی) وەزیری کشتوکاڵ و سەرچاوەکانی ئاو، نوێنەری ئاژانسیGIZ و کار بەدەستانی حکومەت و کونسوڵی گشتی وڵاتان و نێردە نێودەوڵەتیەکان و رێکخراوە ناحکومییەکان پڕۆژەی چاندنی ٢٠،٠٠٠ هەزار داری زەیتونی ئیسپانی لە ناوچەی دڵۆپە – کەسنەزان بە ئەنجام گەیشت

دەزگای روانگە لە درێژەی پڕۆژە ژینگەییەکانی  بۆ خزمەتکردنی ژینگەی کوردستان و خەمخۆری لە کەش و هەوای هەرێمەکەمان، بەشێک لە پڕۆژەی دارستانەکانی روانگەی بە ئەنجام گەیاند. کە بریتی بوو لە چاندنی ٢٠،٠٠٠ داری زەیتونی ئیسپانی لەسەر رووبەری ٥٥ دۆنم لە ناوچەی دڵۆپە – کەسنەزان.

ئەم پرۆژەیە لە ساڵی ٢٠٢٤ دەستی پێکرد بە ئامانجی زیادکردنی رووبەری سەوزایی و باشترکردنی کەش و هەوای ناوچەکە و بەرهەمهێنانی زەیتون و زەیتی زەیتون. لە قۆناغی یەکەمدا ١١،٠٠٠ و  لە قۆناغی دووەمدا ٩،٠٠٠  کە کۆی گشتی دەکاتە ٢٠،٠٠٠ داری زەیتونی ئیسپانی چاندراوە. پرۆژەکە لە هەولێر لەناوچەی دڵۆپە – کەسنەزان جێبەجێکرا. یەکێک لە گرنگیەکانی ئەم پڕۆژەیە ئەوەیە کە دارەکان لە رێگەی تەکنەلۆژیای گرۆسێس وەتەر بۆکسەوە چاندراون (groasis waterboxx) کە هاوکاری دارەکان دەکات بەرگەی بێ ئاوی و گەرمای وشک بگرن.

بەشێک لە سودەکانی ٢٠،٠٠٠ داری زەیتون لەم خشتەیەی خوارەوە روونکراوەتەوە

لەرێگەی ئەم پڕۆژەیەوە دەزگای روانگە توانی ئامانجێکی تریش بپێکێت کە ئەویش بریتی بوو لە خستنەسەر کاری ٢٥٥  لاو کە کەسانی خاوەن پێداویستی تایبەت و ئافرەتانی لەخۆ دەگرت.

لە میانی رێوڕەسمەکە وتاری دەزگای روانگە پێشکەشکرا لەلایەن ( حەسەن شێخ علاءالدین ) بەڕێوەبەری جێبەجێکاری دەزگای روانگە، هەروەها نوێنەری ئاژانسی GIZ وتاری ئاژانسەکەی پێشکەشکرد و پاشان بەڕێز بێگەرد تاڵەبانی وەزیری کشتوکاڵ و سەرچاوەکانی ئاو وتاری وەزارەتی پێشکەشکرد.

دەزگای روانگە بەردەوام دەبێت لە دەستپێشخەرییە ژینگەییەکانی لەپێناو خزمەتکردن و بەرەوپێشبردنی ژینگەی کوردستان