لە چوارچێوەی فراوانکردنی پەیوەندییە نێودەوڵەتییەکان، شاندێکی دەزگای روانگە سەردانی وەزارەتی دەرەوەی کۆماری تورکیای کرد لە شاری ئەنقەرە و لەلایەن شاندی وەزارەتەوە بە گەرمی پێشوازییان لێ کرا.
لەلای خۆیانەوە ئەندامانی وەزارەتی دەرەوەی توركیا ستایشی کار و پڕۆژەکانی دەزگای روانگەیان کرد و سەرسامی خۆیان دەربڕی کە وەک هێزێکی نەرم توانیویەتی لەڕێگەی سێکتەرە جیاوازەكانییەوە خزمەتێکی فراوان بە هاونیشتمانییانی ناوخۆ و تەنانەت کۆمەڵگەی نێودەوڵەتیش بکات.
شاندی دەزگای روانگە پەیامی ئاشتەوایی و پێکەوەژیانیان دووپات کردەوە کە لە دید و روانینی سەرۆک و دامەزرێنەری دەزگای روانگە بەڕێز (ادریس نێچیرڤان بارزانی) سەرچاوەی گرتووە.
لە کۆتایی دا ئەندامانی وەزارەت ئامادەیی خۆیان دەربڕی بۆ هەر هەماهەنگی و کارئاسانییەک کە دەزگای روانگە ئەنجامی بدات لەپێناو مرۆڤایەتی.
ئەنقەرە،تورکیا
