بە ئامادەبوونی نوێنەرانی دامەزراوە حكومی و حزبی و كەسایەتییە كۆمەڵایەتییەكان، و دانیشتووانی بەڕێزی قەزای خانەقین، دەزگای روانگە رێوڕەسمی تەواوبوونی پڕۆژەی نۆژەنکردنەوەی سیستەمی دابینکردنی ئاوی هەردوو گەڕەکی ئیمام عەباس و بەختیاری بەئەنجام گەیاند بۆ چارەسەرکردنی قەیرانی کەمئاوی کە ماوەیەک بوو دانیشتووانی ئەم دوو گەڕەکەی گرفتار کردبوو.
لە ڕێگەی دابینکردنی تەواوی پێداویستییە تەکنیکییەکان و نۆژەنکردنەوەیەکی ریشەیی بۆ سیستەمی دابینکردنی ئاوی ئەم دوو گەڕەکە، دەزگای روانگە خزمەتگوزارییەکی بەردەوام و شایستە بۆ نزیکەی ٤٠٠٠ خێزان دەستەبەرکرد و ئاوەدانی گەڕاندەوە بۆ ناو ماڵەکانیان.
