پرۆگرامی سەرکردایەتی روانگە بەرنامەیەکی درێژخایەنی وەرچەرخانی لاوانە لە لایەن دەزگای روانگە بە هاوبەشی زانکۆی کورستان - هەولێر ئەنجام دەدرێت بۆ بەهێزکردنی تواناسازی لاوانی چالاک بۆ بوون بە گۆڕانساز و سەرکردەو پەرەپێدەری گەشەی بەردەوام و گۆڕانکاری کۆمەڵایەتی . پرۆگرامەکە تواناکانی 25 لاو بەرز دەکاتەوە بۆ گەشەپێدانی داهێنانیان و بەهێزکردنی سەرکردایەتییان و بەدەستهێنانی کارامەیی بەڕێوەبردن بۆ ئەوەی ببنە سەرکردەی ئایندە و یارمەتیان بدات لە دۆزینەوەی بیرۆکەکانیان بۆ پێشخستنی کۆمەڵگە لە هەرێمی کوردستانی عێراق . دیدگایی پڕۆژەکە ئەوەیە کە لاوان لەڕێگەی دوو مانگ بەرنامەی ڕاهێنانی چڕ و پڕی توانا و چالاکییەوە لێهاتووییەکانیان بدۆزنەوە. لاوان دەتوانن لە ڕێگەی ئەم بەرنامەیەوە کار لەسەر خۆیان بکەن بۆ ئەوەی توانای سەرکردایەتی خۆیان پەرە پێبدەن و هەلی فێربوون و گەشە و پەیوەندی دروست کردنیان هەبێت . ئەم بەرنامەیە سەرکردەو لاوە پرۆفیشناڵەکان کۆدەکاتەوە بۆ دروستکردنی تۆڕێک لەنێوانیاندا لەتەواوی ناوچەکەدا .

لە ماوەی دوو مانگی بەرنامەکەدا ، بەشداربووانی هەڵبژێردراو لە هەر مانگێکدا لە دوو ڕاهێنانی پرۆفێشناڵدا بەشداری دەکەن . بابەتەکانی ڕاهێنان لە ڕێگەی چالاکی کارلێککەر و لێکۆڵینەوە و وانەی ئەکادیمی پێشکەشدەکرێ بۆ ئەوەی بە شێوەیەکی کاریگەر و پراکتیکی بەشداری تێدا بکەن دوای هەر ڕاهێنانێک سێ هەفتەیان دەبێت بۆ ئەنجامدان و تەواوکردنی کاری گروپ و وەرگرتنی وانەی ئۆنلاین.

 لەمەراسیمی کۆتاییشدا گروپەکان پڕۆژەکانیان بۆ لیژنەی هەڵسەنگاندن دەخەنە ڕوو و هەلی بردنەوەی پاڵپشتی داراییان دەبێت بۆ جێبەجێکردنی سێ باشترین بیرۆکەی پڕۆژە.

مەرجەکانی بەشداریکردن:

✔️ دەبێت بەشداربووان لە نێوان تەمەنی ٢٠ بۆ ٢٨ ساڵی بن.

✔️ پێویستە خاوەنی بڕوانامەی دیپلۆم یان بەکالۆریۆس بێت.

✔️ پێویستە دۆخی کار کردنی لە ئێستادا گۆنجاو بێت بۆ ئەوەی بەژدار بێت لە تەواوی پرۆگرامەکە کە بۆ ماوەی ٢  مانگ، گۆنجاوترە بۆ تازە دەرچووەکان و ئەوانەی بەدوای کار دەگەڕێن.

✔️ کارامەییەکانی کۆمەڵایەتیەکانی بەهێزبێت و لە پەیوەندی دروستکردندا لێهاتوو بێت، سەرکردایەتی، توانای کارکردنی لەگەڵ تیم هەبێت و خود-هاندەر بێت و خولیای فێربوونی بەردەوامی هەبێت.

✔️ خواستی دیزاینکردن، پلاندانان، و ئەنجامدانی پرۆژە خۆبەخشییەکانی هەبێت لە کۆمەڵگەدا.

✔️ توانی زمان: زمانی کوردی پێویستە و زمانەکانی ئینگلیزی و عەرەبی باشترە بزانێت.

✔️ پێویستە بەشداربووان فورمی داواکاری پڕبکەنەوە و بەپێیی ئەو داواکارییانەی کە هەیە.

✔️ دوا لیستی داواکارەکان چاوپێکەوتنیان لەگەڵ دەکرێت بۆ ئەوەی دڵنیاببینەوە لە توانا و بەهرەی داهێنانی بەشداربووان.

پلانی چالاکییەکان:

ڕاگەیاندنی پێشکەشکردن : ٢٠ تەمووز - ١٠ ئاب ٢٠٢١

هەڵبژاردنی بەشداربووان و چاوپێکەوتن: ١٥ ئاب  – ٢٢ ئاب ٢٠٢١

بانگهێشتی کۆتایی بۆ بەشداربوان : ٢٥ ئاب ٢٠٢١

یەکەم خولی ڕاهێنان : ١٢-١٦  ئەیلول ٢٠٢١

سێ خولی وانەی ئۆنڵاین: ٢١ئەیلول ، ٢٨ ئەیلول ، ٥ی تشرینی یەکەم

راهێنانی بەڕێوەبردنی پڕۆژە:١٧ - ٢١ تشرینی یەکەم ٢٠٢١

کاری تیم بە ئۆنلاین: ٢٢ تشرینی یەکەم - ٧ تشرینی دووەم ٢٠٢١

ڕێوڕەسمی کۆتایی: ٨- ٩ تشرینی دووەم ٢٠٢١

 پڕۆژەی خۆبەخشی : ١٥ی تشرینی یەکەم - ١٥ی تشرینی دووەم٢٠٢١  

​
 

ژمارەی سوودمەندبووان: ٢٦ لاو

هاوبەشی پڕۆژە: زانکۆی کوردستان - هەولێر