سلێمانی، کوردستان (21ی تەمووز 2022) رێوڕەسمی کۆتایی پرۆژەی Youth Excel لە هۆتێلی های کرێست لە پارێزگای سلێمانی بەڕێوەچوو. کە تێیدا ١٤ گروپی ICON بەشداریان کرد و توێژینەوەکانیان پێشکەش کرد.  پڕۆژەکە لەلایەن USAID، IREX کۆمەکی دارایی کراوە و لەلایەن دەزگای روانگە، ڕێکخراوی ئاسودە، و Search for Common Ground جێبەجێکراوە.

ئامانجەکانی پڕۆژەکە بریتی بوون لە بەرەوپێشبردنی تواناکانی کۆمەڵگەی مەدەنی، بەتایبەتی رێکخراوە فەرمی و نافەرمییەکانی تایبەت بە لاوان، لە پێشخستنی گوزەرانی لاواندا، پەرەپێدانی بەرنامەی بژێویی کاریگەر لەسەر بنەمای توێژینەوەو ڕاوێژی گوزەرانی لاوان هەروەها باشترکردنی گوزەرانی لاوان بە تێگەیشتن لە ھۆکارە پێکەوە بەستراوەکانی پەراوێزی لادێیی، رەگەزی و سیاسی.

 14 گرووپی بەشداربووی ICON کە پێکهاتوون لە ڕێکخراوە فەرمی و نافەرمیەکان بە سەرۆکایەتی لاوان کە خزمەت بە لاوان و فێرخوازان دەکەن دەربارەی پرسەکانی پەیوەست بە لاوان لە شارەکانی کۆیە و قەڵادزێ بە پێنج وۆرکشۆپی فراواندا تێپەڕین ئەو بابەتە سەرەکیانەی کە لە ماوەی وۆرکشۆپەکاندا پێشکەشکران بە شێوەیەکی سەرەکی جەختی کردە سەر بابەتەکانی پێداچوونەوەی ئامرازی کاری بەکۆمەڵ CAT ، یەکسانی جێندەر و کۆبوونەوەی کۆمەڵایەتی GESIs، بڵاوکردنەوەی زانیاری، چیرۆکبێژی، بەرهەمەکانی بەڕێوەبردنی زانیاری، پوختەی داتا، و پەرەپێدانی پەیوەندیەکان و پلانی دوای ICON . هەر گروپێکی ICON توێژینەوەیەکیان سەبارەت بە کێشەیەکی هاوبەشی لاوان لە قەزاکەی خۆیان پێشکەشکرد.

لە مەراسیمی کۆتایید لایەنە پەیوەندیدارە جیاوازەکانی وەک بەرپرسانی ناوخۆیی، وەبەرهێنەران، بڕیاردەران، و سەرکردەکانی کۆمەڵگە ئامادەبوون جگە لە ڕێکخراوە ناحکومییە نێوخۆیی و نێودەوڵەتییەکان کە سەرقاڵی بەرنامەکانی پەرەپێدانی لاوان بوون، مەراسیمەکە بە ناساندنێک سەبارەت بە پڕۆژەکە دەستیپێکرد و دواتر پانێڵێک بەڕێوەچوو  لە ژێر ناونیشانی 'باشترکردنی بژێوی لاوان لە ڕێگەی توێژینەوەی جێبەجێکردنەوە '.  جگە لەوەش، بەشداربووانی ICON هەریەکەیان بە جیا توێژینەوە و چارەسەر و پێشنیارەکانیان خستەڕوو.

پرۆگرامی ‘Youth Excel’ لەلایەن USAID، IREX کۆمەکی دارایی کراوە و لەلایەن دەزگای روانگە، ڕێکخراوی ئاسودە، و  Search for Common Ground جێبەجێکراوە.  پڕۆژەکە کەسانی پەیوەندیداری جۆراوجۆری ناوچەکە کۆدەکاتەوە بۆ کارکردن لەسەر بەهێزکردنی گوزەرانی لاوان لە کۆیە و قەڵادزە لە هەرێمی کوردستان، بۆ ئەوەی بە هاوبەشی چارەسەری ئەو کێشانە بکەن کە رووبەرووی لاوان دەبنەوە. بەشداربووانی پڕۆژەکە پێکەوەکار دەکەن بۆ باسکردنی ئەو کێشانەی لە ئێستادا بوونیان هەیە لەناو لاوان و زانیاری تەواو کۆبکەنەوە دەربارەی ئەو بابەتە دەستنیشانکراوانە  و دواتر ئەو شتانەی کە فێری دەبن بیگۆڕن بۆ بەرھەمی توێژینەوە، کە یارمەتیان دەدات باشتر کێشەکان بە کرداری چارەسەر بکەن.